Зерттеу
Бар шаруа терең зерттеуден басталады. Біз тарихты, мәдениетті, өнерді және әлеуметтік контексті танып-білеміз, архивтерді, кітаптар мен визуал материалды барынша зерттейміз. Өйткені бұлардың бәрі болмаса, бірде-бір идея тумайды.
Тұжырымдама
Зерттеуге сүйеніп, болашақ бұйымның тұжырымдамасы қалыптасады. Кейін ол эскиз бен 3D-модельге айналып, әшекей материалға түспей тұрып-ақ қандай болатынын көруге мүмкіндік береді.
Жасау
Одан кейін прототип жасау мен құю кезеңі басталады. Дәл осы сәтте пішін технология мен металлға салынып, нақты затқа айнала бастайды.
Өңдеу
Келесі кезең — қолдан өңдеу және тас қондыру. Әшекейдің мінезі мен сипатын айқындайтын да осы тұс: мұнда бәрін дәлдік пен шеберлік шешеді.
Қорытынды кезең
Соңғы кезеңдерге жылтырату, сапасын тексеру және заңдық сертификаттау кіреді — яғни бұйымды мінсіз күйіне жеткізу жұмыстары жүргізіледі. Ал процестің аяғын фототүсірілім мен витринаға дайындау түйіндейді. Әшекей дәл осы сәтте алғаш рет өз иесімен жүздеседі.